النادي الإفريقي

Admin الأحد أغسطس 03, 2008 4:54 pm

النفزي
النصايبي الباشطبجي السويسي العيفة
الورتاني
المويهبي بن يحيى
المليتي
الذوادي تشالا

أخي لا تقولوا أن الإفريقي موش قوية.
ثبتوا في التشكيلة و ابداو تخيلوا. ما تنساوش : - وسام يحيى بش يلعب بالصباط العزيز عليه
- المويهبي بالصباط الأحمر(بدون تعليق)
- الورتاني البوند متاع الكابيتانا و التاكلوات كي العادة (الكرة ما تتعداش لا من فوق لا اللوطا)
- المليتي تعرفوه مليح و تعرفوا آش ينجم يعمل: كي العادة الشعر لكحل كي الخطيفة
و التير والتمريرات المليمترية ( هاكا علاش حطيتو وراء الزوزمهاجمين)
* ممكن البلاسا هاكي يلعب فيها المويهبي لكن لا. المويهبي يلقى روحو أكثر على اليسار خاطرو مقاتل أكثر من المليتي و يصنع اللعب على الجهة اليسار برشا خاصة و أن الجهة هاكي عند النجم أقوى و المويهبي يموت على المنافسة و الريتم القوي و لكم أن تتخيلوا ماذا سيصنع هذا الفتى خاصة و إن علمنا أن الذوادي معاه في نفس الجهة ( مسكين الي بش يلعب على اليمين في النجم بش تتعدى عليه عشية يا لطيف (ملا triangle : المويهبي المليتي و الذوادي))
* البارتي اليمين كيف كيف وسام وراه الورتاني support
ومعاه المليتي soutient وفي العمق قدامو تشالا الي fort probable بش يكون buteur الموسم هذا
وما ننساوش العيفة إلي يطلع بارشا على الرواق ولكم أن تتخيلوا آش بش يقاسي l'arriere الي مالجهة هاكي

بالله حاولوا تتخيلوا و ما تنساوش الي بش نلعبولكم بالمراول متاع عمناول في سوسة. هكا تكتمل الصورة و تتبدل وجوهكم خاطر تعرفوا مليح و إنتوما أكثر ناس تعرف أن elclub ديما متعبتكم في سوسة
إعذروني إخواني جمهور النجم حبيت انبر عليكم شوية في إطار الأحترام وكلنا توانسة وآنا واحد مالناس دارنا في سوسة و نحب سوسة و أصحابي أغلبهم des etoilistes
تنبير أخوي والي يربح صحا ليه
إما راو بش نربحوكم
احتراماتي. سلام